Buek kali ke2 WMC anjurkan majlis perjumpaan ahli. Kali ini ado gaklah wakil dari Anjung Perpatih yang poie. Nak tau sapo??? Tengoklah gamba2 kek bawah tu.
Majlis ni dibuek dokek Legend Hotel beboto sebolah The Mall. Dedulu The Mall ni kiro cam tompek lepak yg hebatlah..sekarang ni bilo dah ado KLCC, Times Square..The Mall jadi tompek utk budak2 mudo memadu kasih..hahahah..
Lobih kurang pukul 2.15 potang (takkan pagi kot) acaro pun bermulo. Emcee pado haritu kak Norjohis & Ms Kenanga (ni waghieh kito ni..). Prestasi keseluruhan emcee ni pado den boleh dibanggokan..berbakat.
Lopeh bacaan doa, pengasas WMC Pn. Ann merasmikan majlis dan seterusnya dio melancarkan laman web baru bagi peniago2 WMC. Sekarang ni kek WMC tu cumo untuk kito bughak kosong, cari informasi2..nak memboli bolah kono gi kek sini d'toko.
Lopeh tu ado pulak acaro lucky draw..tapi yang menghampehkan..den x dapek apo hhuhuhu..tak lucky boto den ni..kono mandi bungo gak eh.
Tibo time makan..lagi cam hampeh. Tak sodap makanan eh. Pilihan makanan pun cam limited sangat. Sekali round yo dah taktau nak makan apo. Tapi bondo dah jadi nak buek camno. Lenkali kalau buleh elakkanlah organize event kek hotel ni.
Den maleh nak merapek panjang2..jadi silo2lah jamu selero (maap yo nasik xdo..) jamulah mato tu dongan gamba2 kitorang yang poie ni..hahahha.
Ni gamba maso dokek nak balik.
Jeng jeng jeng..montot sapo yang dicandid tu?? bahyo boto ni.Yang Kak Intan tu den pun xtau apsal dio tercangkung kek dopan mic tu. Nak kato dio masuk acaro berjalan cam itik tak pulak. Musykil den.
Gambar 1st - Kak Nisyra & Kak IntanGambar 2nd - Kak Intan & Pn. Ann
1) Den & Kak Nisyra (merah menyalo akak den tu..bukan main lagi)
2) Kak Intan tongah soal siasat Kak Linda_Metal (tokey Elyza)
3) Gamba beramai-ramai. Kocit na gamba eh. Blasah yolah
