Game :: Perkataan Tersembunyi ::

Bulan Julai maghin den ado buek satu game kek AP. Game eh mencari perkataan yang tersembunyi. Pemonang untuk game yang den anjurkan ni Olaolie. Monang eh bulan Julai..tp dapek hadiah eh bulan November...eh Nov ke December ntahlah.

Memulo tu ingat an naklah bolikan dak olie ni bondo tuk hiasan rumah..sobab eh den cam tau yo apo taste makcik sorang ni..tapi asal sampai yo tompek memboli dan menghabihkan duit tu..otomatik den lupo makcik ni..bilo den terlupo dio..mako eh otomatik gaklah den terlupo hadiah dio tu. Sudah eh den maleh nak tangguh laie..den order yo barang online ngan waghieh kito yg jual tupperware tu..sapo laie kalau bukan Kak Tai.

Den hadiahkan dio Water Jar from Tupperware untuk dio

Harap2 dio sukolah ngan pemberian den ni. Lenkali kalau den buek game laie janganlah sorik nak join..wlaupun hadiah tu agak slow sket..tp lamo buleh pakai tu.

Game :: Berbalas Pantun ::

Game berbaleh pantun anjuran Kak Khaty dah ado pemonang. 3 org skali pemonang eh tapi so far yang menepek hadiah kemonangan eh sorang yo. Tapi sapo pemonang eh..

• nestum*susu (see..wa malas mau cakaplah..)
• coralprincess
• ms_kenanga

Dah namo eh pertandingan anjuran Kak Khaty..hadiah eh pun Kak Khaty gaklah yg sponsor. Hadiah very the vogue the vazz gitu. Barang apo den nak lotak dalam balang kaco ni pun den x tau. Den buto soni sikit bab2 hias2 ala fomfuan feminin ni. Tapi takpo..bilo dah ado dopan mato pandai2 denlah nak lotak apo..yang ponting bilo dapek hadiah..feeling itu adalah sangat HEPPPPPPIIIIIII..

Timo kasih yo Kak..lenkali bueklah pertandingan laie.

Game :: Toko Silangkato ::

Bermulo dari 3 ~ 21 Nov 2008 Kak Liea ado buek pertandingan Toko Silangkato. Payah gaklah game kali ni. Kono belek kamus..kono cek kek internet .. yolah pado sesapo yg xdo kamus Dewan (denlah org tu).

Kali ni den monang laie. Apsal asyik den yo yang monang? Xdo ko orang lain yg berminat untuk nak monang? Musykil acik..tetibo ado riak2 perasan dan banggo disitu..(silo maapkan org yg buek posting ni..dio mmg suko berperasan mcm bagus) hohoho..

Ni hadiah yang den dapek selaku pemonang tompek pertamo. Yang kek tetongah tu cam mug. Pehtu mug tu tolah diapit oleh Fridge Magnet (dlm bahaso melayu eh dipanggil Bosi Berani Poti Ais)..dan yang kek blakang tu adolah daun misai kucing

Ni pulak hadiah yang pemonang tompek ke-2 dapek. Kebotulan lak yg dapek tompek ke2 ni Olaolie..kawan opis den. Jadi save sikitlah bajet tukang sponsor hadiah tu nak postkan barang ni.

Dak olie dapek kotak kayu untuk lotak harto karun & semangkuk daun misai kucing

Akhir kato dari pemonang pertamo & keduo

"Silolah buek pertandingan laie..jangan lupo jomput kitorang ni..juaro bertahan...(silo jangan menyampah ngan statement ni). Terimo kasih gak pado penajo hadiah...Kak Liea & Kak Ruziah"

Game :: Bingo ::

Kak Liea skali laie anjurkan game kek AP. Kalau dibuek anugerah penganjuran game den ghaso kak liea mmg layak dinobatkan sebagai pemonang. Kalau dah ado 10 game kek AP..9 daripado tu kak liea yg buek...tahniah kak. Tak sio2 akak dicalonkan sebagai pengerusi 2009. Bravo bravo (ampun..terpanjang lak mukadimah den kali ni..)

Game terakhir untuk tahun 2008 maghin iolah game BINGO.

Camno nak main bingo ni?? Penganjur (kak liea) akan kasi 100 namo (utk bingo kali ni tema eh namo2 keto..handal2 belako keto yg dio pilih..keto nasional 1 haram pun xdak..). Ahli AP yang join kono pilih 30 namo pehtu PM kek dio. Setiap hari kak liea akan kuarkan 5-6 namo..and ahli konolah cek balik senarai 30 namo tu..kalau ado yg kono..silo potong. Sapo yg paling awal dapek memotong..memangkah sume 30 namo tu akan dikiro pemonang .. dongan syarat..dio jugak kono cakap awal2..tulih bosa2 kek umah ckp BINGO..kot dio sonyap yo..mako eh org ke2 tulah yang monang.

So, kali ni..buek pertamo kali eh dak dekfa monang. Tahniah wei. Akhirnya ado pemonang baru hehehhe..(see..den dah ckp ..penulih blog ni mmg berlagak hahahha)

Den tak make-up gamba ni sobab tuan punyo hadiah tu dah makeup sendiri..den suko yo kalau gamba berlatarblakangkan jalur2 ni. Ntah kosi makan bolah mano yg dijadikan prop ntahlah..hehehhe..

Kesudahan End Year EG

Tahun baru dah bermulo..dah 14 hari dah pun tapi den baru terhegeh2 nak update blog AP kito ni. Macam entry yang lopeh tu..kito kek umahkan ado planning nak buek End Year Exchange Gift dan temanya adolah kain elo berwarno ijau.

Lobeh kurang 8 pasangan amik bahagian..makno eh ado 16 waghiehlah sumo eh..payah boto korang nak kiro2 ni kan. Ponek yo cikgu ajar matematik kek skolah maghin.

Pasangan pertamo: Mrs_Teratai ngan den .. nestum*susu

Pasangan ke-2: Alisha ngan kak InaHaiqal

Pasangan ke-3: Olaolie & Ms_Kenanga

Pasangan ke-4: Kak Liea & Induk08

Pasangan ke-5: Kak Aziah & Kak Khaty

Pasangan ke-6: Kak Ejazz-z dan Angah2002

Pasangan ke-7: Kak Noraiza dan Jelangkung

Pasangan ke-8: Kak Nisyra & Kak QyranaBiru (tp yg ni xdo gamba..sobab 2-2 terlupo caro nak tepek gamba kek umah...) hehehhe

Untuk EG kali ni gak..ado 5 waghieh dapek pattern kain yg samo..bukan pattern yo yg samo..warno eh pun samo gak..takdo sorang dapek golap sorang dapek yg corah..sumo samo..omputih cakap "fair & square"..hehehhe